Edizioni Condaghes
Edizioni Condaghes

condaghes.com

Titoli
Titoli
Autori
Notizie
Documenti

AUTORI

Lewis Carroll

Charles Lutwidge Dodgson (Daresbury, 1832 - Guild­ford, 1898), iscritore e matemàticu inglesu mègius connotu cun s´istivìngiu de Lewis Carroll, at incumintzadu belle pro giogu su contu de Alice´s Adventures in Wonderland (1685), s´òpera sua prus lèghida dae minores e mannos. Difatis su libru fiat iscritu pro s´ispidientu de sa fìgia de su preìderu anglicanu Henry George Liddell.
Carroll s´est laureadu in s´Universidade de Oxford in su 1852 e a pustis at traballadu comente professore de matemàtica in Christ Church (Oxford) pro 26 annos. At publicadu libros meda e tratados de matemàtica e fiat finas famadu meda comente fotògrafu. Sa renèssida de su primo contu de Alice/Alisedda fiat cunfirmada finas in su segundu libru, Through the Looking Glass and What Alice Found There(1871). Inoghe sa dèdica a sa pitzinna Alice Liddell est crara meda ca in sa poesìa-acròsticu a sa fine de su libru si leghet, cunsiderende sas primas lìteras de cada versu, su nùmene «Alice Pleasance Liddell». In ambos contos Carroll mustrat s´abilidade sua in s´imbentu de mundos de fantasia cumbinados cun una limba prena de giogos de paràulas in intro de una lògica illò­gica chi un´istudiosu de lògica ebbia podiat imbentare.
Āteras òperas de Carroll: Hunting of the Snark(1876), duos libros de poesias còmicas e un´àteru contu in duos libros, Sylvie and Bruno (1889, 1893), chi però no sunt renèssidos a torrare sa matessi maia de su mundu fantàsticu de Alice. Sa fama de Carroll est gasi manna chi in totu su mundu sunt istadas fundadas sotziedades pro s´istùdiu de sas òperas de s´iscritore, gasi in su Regnu Unidu comente in sos Istados Unidos, Giapone, Nova Zelanda.

I TITOLI DI QUESTO AUTORE EDITI DA CONDAGHES: 2 (1 - 2)

A s´ātera ala de s´ispigru e su chi Alisedda b´at agatadu

Lewis Carroll
Alisedda brincat a s´ātera ala de s´ispigru e b´agatat unu mundu totu a s´imbesse. "Bisōngiat de cųrrere meda pro abarrare in ue ses" narat sa Reina Ruja. "Cando sas parāulas cherent...(continua)

A s´ātera ala de s´ispigru

Lewis Carroll
Alisedda brincat a s´ātera ala de s´ispigru e b´agatat unu mundu totu a s´imbesse. "Bisōngiat de cųrrere meda pro abarrare in ue ses" narat sa Reina Ruja. "Cando sas parāulas cherent...(continua)